XUEVES, 25 DE XUNU.

25-jun.

¡¡Hola!!

Esti cursu foi un pocu diferente pero cola ilusión y les ganes que punxistéis y col sofitu (apoyo) incondicional de les vueses families  (gracies) fuisteis capaces de superar dalgunes dificultades y de facer munches coses:

-Ficistéis los pregones del Amagüestu y del Antroxu.

-Entamastéis a escribir un llibru, compusistéis poesíes, viaxasteis en grupu cooperativu per Asturies, hasta Redes, Taramundi o Les Arriondes,  pelos Parques Naturales d’Asturies investigando na so flora y na so fauna como Félix y el so gatu montés, participastéis nunes Olimpiaes como Ana col so tiru cuerda, dirixistéis pelicules de cine, como Elena y "el sabucu y les Esguiles, “El güelu” d’Oliver,Miriam col  “Ascensu de Skywalker” ,   o ”Grau nel recuerdo” d’Adrián y muchas cosas más......

¡¡Y fuistéis los artífices de la cosecha del eco-güertu!!

Pero lo meyor de too foi'l respetu, l'enfotu (empeñu) y el ciñu (cariño)  que punxistéis en tolo que ficistéis.

Siéntome  argullosa y gayolera  por compartir con vosotres y vosotros tantes esperiencies, si me necesitáis nun duldéis en llamame.

Suerte na nueva etapa que vais entamar y enxamás dexéis de lluchar polo que queráis ser y de xuru que lo conseguiréis.

¡¡SUERTE!!

¡¡Ta llueu!!